Тазалықтың дүниежүзілік күні!

Тазалықтың дүниежүзілік күні – бұл қатты қалдықтар мәселесімен, оның ішінде стихиялы қоқыс тастау мәселесімен күресуге бағытталған, қоғамда экологиялық құндылықтарды нығайтуға арналған жыл сайынғы жаһандық әлеуметтік әрекет бағдарламасы. Жыл сайын бұл акцияға дүние жүзінен 180-ден астам ел және 20 миллион еріктілер қатысады. Қазақстанда бұл акция жүйелі түрде өткізіледі: биылғы жылы еліміз Қазақстан Республикасы Экология, геология және табиғи ресурстар министрлігінің қолдауымен «World Cleanup day 2021» / «Бірге таза Қазақстан» акциясына бесінші жыл қатарынан қатысты @ekodep_zko

«Монтажарнаулықұрылыс» Компаниясы АҚ Ақсай филиалы акцияны белсенді қолдады. 18 қыркүйекте компания қызметкерлері туған өлкенің қоршаған ортасын сауықтыруға өз үлестерін қосып, Орал-Ақсай трассасының Ақсай қаласына солтүстік-батыс кіреберіс жағындағы учаскеде субботник өткізді.

Экологияға немқұрайлы қарамайтын барлық әріптестерімізге бастамалары мен азаматтық жауапкершілігі үшін алғыс білдіреміз.