Мұнай-газ кен орны Теңіз

ТЕҢІЗ МҰНАЙ-ГАЗ КЕН ОРНЫ

Теңіз-Қазақстанның Атырау облысындағы, Атырау қаласынан оңтүстік-шығысқа қарай 350 км жерде орналасқан мұнай-газ кен орны. Каспий маңы мұнай-газ провинциясына жатады. 1979 жылы ашылған.

Қазақстан Республикасының Мемлекеттік сыйлығына ие болған Жолдасқали Досмұхамбетов, Бөлекбай Сағынғалиев, Болат Еламанов, Асабай Хисметов, Құмар Балжанов, Валентин Авров, Махаш Балғымбаев, Орынғазы Исказиев Теңіз кен орнын алғашқы ашушылар болып табылады.

1991 жылғы 6 сәуірде мұнай - газ кешені-Теңіз мұнай-газ өңдеу зауыты мен кәсіпшілігі пайдалануға берілді, бұл осы кен орнында өнеркәсіптік өндірудің негізін қалады.

1993 жылы Қазақстан Үкіметі  «Шеврон» Компаниясымен бірлесіп Теңіз мұнай кен орнын игеру үшін «Теңізшевройл» БК ЖШС құрды. Бүгінде төрт компания серіктес болып табылады: «Қазмұнайгаз» ҰК АҚ(20%), «Chevron Overseas» (50%), «Exxon Mobil» (25%)  және «ЛукАрко» (5%).

Теңіз Қазақстандағы мұнай қоры бойынша (Қашаған кен орнынан кейін) 2-ші орын алады.

Кен орнының алынатын қорлары мұнайдың 750 млн. - нан 1 млрд. 125 млн. тоннаға дейін бағаланады Геологиялық қорлардың болжамды көлемі 3 млрд. 133 млн. тонна мұнайды құрайды. Ілеспе газдың қоры 1,8 трлн. м³.

Өндіру орталығы-Құлсары кенті.

2001 жылы Каспий құбыр консорциумының іске қосылуымен Теңіздегі бүкіл мұнай Новороссийскіге кетті, осы сәттен бастап Tengiz  атты алғашқы Қазақстандық мұнай маркасы пайда болды. 2008 жылғы қарашадан бастап Қазақстан алғаш рет Баку-Тбилиси-Джейхан мұнай құбыры арқылы қазақстандық мұнайды экспорттауды бастады, сондай-ақ 2008 жылғы тамыздан кейін Баку-Батуми темір жолы арқылы мұнайдың аз көлемін жөнелтуді қайта бастады.